“Ulushdor” ipoteka krediti mahsuloti

№

Ko‘rsatkichlar

Asosiy shartlar

1

Kredit maqsadi

Qurilishi AT “Aloqabank” tomonidan moliyalashtirilgan ko‘p kvartirali uy-joylardan ulush kiritish asosida xonadon sotib olish uchun. Ulush kiritish asosida qurilishda ishtirok etish uchun.

2

Kredit miqdori

Toshkent shahrida 1 280,0 mln.so‘mdan, boshqa hududlarda 1 180,0 mln. so‘mdan oshmagan miqdorda.

Bunda, kredit miqdori Toshkent shahrida 480,0 mln. so‘mdan, boshqa hududlarda 380,0 mln. so‘mdan oshgan taqdirda, 2 ta kredit shartnomasi rasmiylashtiriladi.

Kreditning Toshkent shahrida 480,0 mln.so‘mi, boshqa hududlarda 380,0 mln. so‘mi kelgusida, uy-joy qurib bitkazilib, qabul qilish-topshirish dalolatnomasi rasmiylashtirilganidan hamda kredit ta’minoti sifatida garovga qo‘yilganidan so‘ng Iqtisodiyot va moliya vazirligi mablag‘lari hisobidan qayta moliyalashtiriladi.

Iqtisodiyot va moliya vazirligi mablag‘lari hisobidan qayta moliyalashtiriladigan qismidan oshgan qismi bankning o‘z resurs mablag‘lari hisobidan rasmiylashtiriladi.

3

Kredit muddati

20 yildan ko‘p bo‘lmagan muddatga.

4

Imtiyozli davr

6 oygacha

5

Boshlang‘ich badal miqdori

Ulush kiritish asosida qurilishda ishtirok etish to‘g‘risidagi shartnoma qiymatining 15 (o‘n besh) foizidan kam bo‘lmagan miqdorda.

Uy-joyni sotib olish uchun zarur bo‘lgan kredit miqdori

Toshkent shahrida 480,0 mln.so‘mdan, boshqa hududlarda
380 mln.so‘mdan yuqori bo‘lganda boshlang‘ich badal miqdori

20 (yigirma) foizdan kam bo‘lmasligi kerak.

Bunda, O‘zbekiston Respublikasi Markaziy bankining “Banklarga o‘rnatiladigan makroprudensial normativlar hamda ular tomonidan beriladigan kreditlar (mikroqarzlar) bo‘yicha to‘lovlarning eng yuqori qiymatlariga doir talablar to‘g‘risida”gi Nizomda (ro‘yxat raqami 3618, 2025-yil 22-aprel) belgilangan kreditning garovga nisbati ko‘rsatkichi talablariga rioya qilinishi ta’minlanishi lozim.

6

Kredit foizi

Yillik 18 foiz.

Bunda, ushbu foiz stavkasi kreditning Toshkent shahrida 480,0 mln.so‘mdan, boshqa hududlarda 380 mln.so‘mdan oshmagan qismi bo‘yicha sotib olinadigan xonadon garovga taqdim qilinib, Iqtisodiyot va moliya vazirligi mablag‘lari hisobidan qayta moliyalashtirilgan vaqtda Markaziy bankning asosiy stavkasi kredit ajratilgan paytdagi stavkadan pasaygan taqdirda, kreditning foiz stavkasi Markaziy bankning asosiy stavkasi + 4 foiz stavkaga o‘zgartiriladi.

Yillik 23 foiz.

7

Ajratish shakli

Ulush kiritish asosida qurilishda ishtirok etish to‘g‘risidagi shartnomaga asosan quruvchi tashkilotning hisobvarag‘iga pul mablag‘larini o‘tkazish yo‘li bilan amalga oshiriladi.

8

Qaytarish usuli

Annuitet yoki Differensial.

9

Kredit ta’minoti

- Ulush kiritish asosida qurilayotgan ko‘p qavatli uy-joylardan sotib olinayotgan xonadon qurib bitkazilib, qabul qilish-topshirish dalolatnomasi rasmiylashtirilgandan so‘ng garovga olinadi;
- Qurilayotgan uy-joy garovga olingunga qadar kreditning qaytmaslik xataridan sug‘urta polisi yoki uchinchi shaxs kafilligi yoki boshqa likvidli mol-mulk garovi.