Xalqaro bozorlarga chiqish bankning xalqaro hamkorlikning faol ishtirokchisi sifatida obro‘sini mustahkamlaydi, mijozlarning moliyaviy manfaatlarini himoya etish va bank brendining xorijda targ‘ib qilinishiga yordam beradi hamda bank oldida yangi ko‘nikmalar va texnologiyalardan foydalanish imkoniyatini ochadi.
AT «Aloqabank» kichik va xususiy biznes subyektlarini qayta moliyalashtirish uchun uzoq muddatli zaxiralarni yaratish maqsadida xalqaro moliya institutlari va taraqqiyot banklarining kredit liniyalarini jalb etish va o‘zlashtirish bo‘yicha doimiy ish olib bormoqda.
Ushbu maqsadda AT «Aloqabank» tomonidan uzoq va qisqa muddatli moliyalashtirish shartlari asosida Jahon Banki Guruhi (Xalqaro tiklanish va taraqqiyot banki hamda Xalqaro taraqqiyot uyushmasi), Osiyo taraqqiyot banki, Xalqaro Islom savdo-moliya korporatsiyasi va Xususiy sektorni rivojlantirish bo‘yicha Islom korporatsiyalari bilan o‘zaro manfaatli hamkorlik qilib kelinmoqda.
Shuningdek, AT «Aloqabank» uzoq muddatli investitsiyalar uchun sug‘urta qoplamalari va xorijiy tijorat banklari (Commerzbank AG, ODDO BHF, Eximbank of China, ICBC, Banca Popolari di Sondrio) kreditlarini olish maqsadida yetakchi eksport-kredit agentliklari (EKA) (Euler Hermes, SACE, SERV, Sinosure, OeKD) bilan jadal hamkorlikni yo‘lga qo‘ygan.
