Shu bilan birgalikda AT «Aloqabank» oʻz mijozlariga depozit sertifikatlarini sotib olishni taklif etadi. Depozitli sertifikat — bankka qoʻyilgan depozit summasini hamda oʻrnatilgan muddat tugagandan soʻng depozit summasi va sertifikatda koʻrsatilgan foydaning omonatchiga (sertifikat egasiga) toʻlanishi huquqini tasdiqlovchi qimmatli qogʻozdir. Depozit sertifikatini depozitdan farqi shuki, u qimmatli qogʻoz hisoblanib, depozit sertifikatini zarur hollarda ta’minot sifatida qoʻyish, boshqa shaxsga sotish yoki foiz toʻlovlarini saqlagan holda REPO bitimini rasmiylashtirish mumkin.
Depozitli sertifikalarning afzalliklari:
- foiz stavkasi aniq belgilangan boʻlib mablagʻ qoʻyilgan muddat davomida oʻzgarmaydi;
- huquqlarni boshqa kishilarga berish imkoniyati;
- bank yoki boshqa kreditorlar oldidagi majburiyatlarni bajarish maqsadida depozitli sertifikatdan garov sifatida foydalanish;
- depozit sertifikati berilgan joyidan qat'iy nazar u boʻyicha olingan majburiyatlarni bankning har qanday boʻlinmasidan talab qilish;
- 1 yildan ortiq muddatga tijorat banklarning depozitlari va daromadli qimmat qogʻozlariga joylashtirilgan pul mablagʻlaridan olingan yuridik shaxslarning foizli daromadlari soliqdan ozod qilinadi.
Bank quyidagi shartlar boʻyicha oʻz depozit sertifikatlarini taklif qiladi:
- 180 - 270 kun muomala muddati bilan, bank tomonidan yillik 8,5 foiz miqdorda daromad toʻlanadi;
- 271 - 360 kun muomala muddati bilan, bank tomonidan yillik 9,0 foiz miqdorda daromad toʻlanadi;
- 361 - 450 kun muomala muddati bilan, bank tomonidan yillik 9,5 foiz miqdorda daromad toʻlanadi;
- 451 - 540 kun muomala muddati bilan, bank tomonidan yillik 10,0 foiz miqdorda daromad toʻlanadi;
- 541 - 630 kun muomala muddati bilan, bank tomonidan yillik 10,5 foiz miqdorda daromad toʻlanadi;
- 631 - 720 kun muomala muddati bilan, bank tomonidan yillik 11,0 foiz miqdorda daromad toʻlanadi
