Korporativ qadriyatlar:
- Mijozboblik. Mijozlarning ehtiyojlarini hisobga olib, ularning manfaatlari doirasida mijozlarga yo‘naltirilgan ekotizimni yaratgan holda va moslashuvchan yondashuvni namoyon qilgan holda, Bank o‘z mijozlarining istaklarini ro‘yobga chiqarish va ularning farovonligini oshirishga ko‘maklashuvchi eng samarali yechimlarni ishlab chiqish uchun resurslar kiritishga e’tibor qaratadi.
- Ishonchlilik. Bank umume’tirof etilgan xalqaro huquq tamoyillari va me’yorlariga hamda O‘zbekiston Respublikasi qonunchiligiga qat’iy amal qiladi. Bank korporativ boshqaruvning xalqaro standartlariga intilib, o‘z faoliyati davomida aksiyadorlar, davlat organlari, biznes hamkorlar, mijozlar va xodimlar uchun maksimal darajada ochiqlik va shaffoflik siyosatini yuritadi. Ishonchlilik – o‘ta qimmatli aktiv hisoblanmish, bankning obro‘sini saqlab qolishning asosiy omilidir.
- Halollik. Bank ichki jarayonlarning shaffofligini ta’minlash, mijozlar bilan o‘zaro ishonch va hurmatga asoslangan aloqalar o‘rnatish, xodimlar tomonidan ishga xolisona va vijdonan yondashuv va korporativ odob-axloq tamoyillariga rioya qilgan holda o‘z faoliyatini tamomila halollik asosida yuritishga e’tibor qaratadi.
- Professionallik. Doimiy ravishda yuqori standartlarga intilish, o‘zgartirishlar, yangiliklar va o‘z-o‘zini takomillashtirishga ochiq munosabat, eng yaxshi shartlar asosida va o‘z vaqtida mijozlarga xizmat ko‘rsatish Bank o‘z professional faoliyatining asosi sifatida ko‘radigan tamoyillardir.
- Ijtimoiy javobgarlik. Bank o‘z faoliyatini aholining barcha qatlamlari ehtiyojlari va ularning manfaatlarini qondirishga yo‘naltirib, jamiyatning uzoq muddatli rivojlanishiga va o‘tkir ijtimoiy masalalarni hal yetishga o‘z hissasini qo‘shishga va mas’uliyatli korporativ fuqaro bo‘lishga intiladi.
Bank o‘z biznesini quyidagi tamoyillarga tayangan holda amalga oshiradi:
- Shaffoflik. Bank doimo faoliyatida sodir bo‘layotgan muhim voqealar to‘g‘risida ishonchli ma'lumotlarni taqdim etadi, chunki axborotlarning shaffofligi – mijozlar va hamkorlarning bankka bo‘lgan yuqori darajadagi ishonchi uchun asos va poydevordir.
- O‘zaro ishonch. Bank o‘z mijozlarini biznesni rivojlantirishning asosi deb hisoblagan holda ularning bankka bo‘lgan ishonchini qadrlaydi hamda munosabatlarni o‘zaro manfaatli sharoitlarda mustahkamlaydi.
- Professionallik. Professionallar jamoasini shakllantirgan holda bank o‘z hodimlarining malakasini muntazam oshirish uchun zaruriy sharoitlarni yaratadi,ularning ijtimoiy himoyasi hamda motivatsiyasi haqida qayg‘uradi.
- Novatorlik. Bank mijozlarining talablariga to‘liq javob berish uchun o‘tgan davr tajribasi va bugungi kunning innovatsion echimlarini birlashtiradi.
