Moliyaviy savodxonlik – zamonaviy yoshlarning zarur ko‘nikmasi.
Global Money Week doirasida yosh avlodga moliyaviy savodxonlik asoslarini o‘rgatish bo‘yicha qator samarali tadbirlar o‘tkazilmoqda. AloqaBank tashabbusi bilan Samarqand viloyati, Toyloq tumanidagi 1,2,3,4,6,11,21-sonli umumta’lim maktablarda 5–11-sinf o‘quvchilari uchun “Moliyaviy barqaror kelajak” mavzusida ochiq darslar tashkil etildi.
Ushbu darslarda bank mutaxassislari tomonidan:
- Moliyaviy tushunchalar hayotiy misollar orqali sodda va tushunarli tarzda tushuntirildi;
- Interaktiv savol-javoblar, qiziqarli testlar va mini-tanlovlar orqali bilimlar mustahkamlandi;
- Faol ishtirokchilar esdalik sovg‘alar bilan rag‘batlantirildi.
Loyihaning asosiy maqsadi — yoshlarning moliyaviy bilimlarini shakllantirish, ularga mustaqil qaror qabul qilish, jamg‘arish va moliyani to‘g‘ri boshqarish ko‘nikmalarini o‘rgatishdir. Biz ishonamiz: bugungi savodli yoshlar – ertangi barqaror jamiyat asosi!
