“11-fevral – Ilm-fan sohasidagi ayollar va qizlar xalqaro kuni”ga bag‘ishlangan haftalik doirasida 2026-yil 13-fevral kuni AT “Aloqabank”da xotin-qizlarining ilm-fan sohasidagi yutuqlarini targ‘ib qilish, yosh qizlarni ilmiy faoliyatga keng jalb etish, gender tengligini ta’minlash hamda ilm-fanda xotin-qizlar ulushini oshirishga qaratilgan davra suhbati bo‘lib o‘tdi.
Mazkur tadbir Birlashgan Millatlar Tashkilotining Bosh Assambleyasi tomonidan 2015-yil 22-dekabrda qabul qilingan rezolyutsiyaga muvofiq har yili 11-fevral kuni xalqaro miqyosda nishonlanadigan “Ilm-fan sohasidagi ayollar va qizlar xalqaro kuni” doirasida tashkil etildi.
AT “Aloqabank” gender tengligi va ayollarning ilm-fan sohasidagi faolligini qo‘llab-quvvatlash bo‘yicha o‘zining ijtimoiy mas’uliyatini yanada mustahkamlashda davom etmoqda.
