Aksiyadorlar umumiy yig‘ilishi Bank boshqaruvining Oliy organi hisoblanadi va bank faoliyatining eng asosiy yo‘nalishlari bo‘yicha qarorlar qabul qiladi.
AT “Aloqabank” korporativ boshqaruv tizimi O‘zbekiston Respublikasi Qonunlari, Korporativ boshqaruv kodeksi, Markaziy bank meʼyoriy-huquqiy hujjatlari va jahon tajribasidan foydalanish tamoyillari asosida tuzilgan.
Bank korporativ boshqaruv organlari – Aksiyadorlar umumiy yig‘ilishi, Kuzatuv Kengashi, Bank Boshqaruvi, Kuzatuv Kengashi qoshidagi 8 ta va Bank Boshqaruv qoshidagi 7 ta qo‘mita va komissiyalarni o‘z ichiga olgan tizimi faoliyat yuritmoqda.
Bank korporativ boshqaruvining vazifalari:
- Aksiyadorlarning huquq va manfaatlarini himoya qilish;
- Bankning investitsion jozibadorligini oshirish;
- Bankning samarali faoliyat yuritishi va raqobatbardoshligini oshirish;
- Bank rivojlanish strategiyasini belgilab berish va amalga oshirilishi ustidan nazorat o‘rnatish;
- Biznes-rejani tasdiqlash va bajarilishini nazoratga olish va boshqalar;
- Yangi xizmat turlarini, innovatsion g‘oyalarni joriy qilish, xizmat ko‘rsatish jarayonining samaradorlik darajasini oshirish.
