Aksiyadorlik tijorat “Aloqabank” aksiyadorlari diqqatiga! Aksiyadorlarning yillik umumiy yig'ilishini chaqirish to'g'risida. XABARNOMA (masofadan)
Sizni, 2025 yil 27 iyun kuni soat 10:00 da masofadan turib elektron ovoz berish xizmati http://evote.uz orqali bo'lib o'tadigan AT “Aloqabank” aksiyadorlarining yillik umumiy yig'ilishiga taklif etamiz.
Kun tartibiga quyidagi masalalar kiritilgan:
- AT “Aloqabank” aksiyadorlarining yillik umumiy yig'ilishi reglamentini tasdiqlash.
- AT “Aloqabank”ning 2024 yil ish faoliyati yakunlari bo'yicha bank Kuzatuv kengashi hisobotini tasdiqlash.
- AT “Aloqabank”ning 2024 yil ish faoliyati yakunlari hamda 2025 yildagi ustuvor vazifalari to'g'risidagi bank Boshqaruvi Raisi hisobotini tasdiqlash.
- AT “Aloqabank”ning 2024 yil ish faoliyati yakuni bo'yicha Xalqaro standartlarga muvofiq tayyorlangan auditorlik hisoboti va xulosasini tasdiqlash.
- AT “Aloqabank”ning yillik hisoboti bo'yicha buxgalteriya balansi, foyda va zararlar to'g'risidagi hisobotini tasdiqlash.
- AT “Aloqabank”ning 2024 yil ish faoliyati yakuni bo'yicha olgan sof foydasini taqsimlash.
- AT “Aloqabank”ning 2025 yil ish faoliyati yakuni bo'yicha Xalqaro standartlarga muvofiq auditorlik hisoboti va xulosasini tayyorlash uchun auditorlik tashkilotini tanlash va uning xizmatiga to'lanadigan haq miqdori chegarasini belgilash.
- AT “Aloqabank” keyingi aksiyadorlarning yillik umumiy yig'ilishigacha affiliangan shaxslar bilan tuziladigan bitimlarni ma'qullash.
- AT “Aloqabank”da 2024 yil yakunlari bo'yicha o'tkazilgan korporativ boshqaruv tizimini baholash natijalarini ko'rib chiqish.
- AT “Aloqabank”ning tashkiliy tuzilmasiga kiritilgan o'zgartirishlarni tasdiqlash.
- “AT “Aloqabank”ning Manfaatlar to'qnashuvini aniqlash, uning oldini olish va tartibga solish to'g'risida”gi Nizomni tasdiqlash.
- “AT “Aloqabank” aksiyadorlarining navbatdan tashqari umumiy yig'ilishining 2022 yil 27 apreldagi 1-son bayonnomasiga 1-ilovasida tasdiqlangan “Samaradorlikning muhim ko'rsatkichlari (KPI)ni qo'llash tartibi”ni bekor qilish.
AT “Aloqabank” Kuzatuv kengashi yig'ilishining 2025 yil 4 iyundagi qaroriga asosan Aksiyadorlarni yillik umumiy yig'ilish o'tkazilishi haqida xabardor qilish uchun reestrni shakllantirish sanasi: 2025 yil 4 iyun. Aksiyadorlarning yillik umumiy yig'ilishida ishtirok etish huquqiga ega bo'lgan aksiyadorlar reestri tuziladigan sana: 2025 yil 23 iyun.
Yig'ilish qatnashchilarini ro'yxatga olish internet tizimi orqali elektron ovoz berish xizmatidan (http://evote.uz) foydalangan holda 2025 yil 27 iyun soat 09:00 da boshlanib 10:00 da to'xtatiladi.
Aksiyadorlarning yillik umumiy yig'ilishiga oid hujjatlar hamda kun tartibiga kiritilgan masalalar yuzasidan tayyorlangan ma'lumotlar bilan http://evote.uz elektron sahifasi orqali tanishishingiz yoki info@aloqabank.uz elektron manzili orqali so'rov yuborishingiz mumkin. Ma'lumot uchun telefonlar: 71-232-83-67.
Boshqaruv Raisi v.b. K.Irisbekova
