3-yanvar kuni Startup Garage'ning Buxoro filiali ochilish marosimi bo'lib o'tmoqda. Eslatib o'tamiz: mazkur loyiha Buxoro viloyati, Buxoro shahri, “AloqaBank” binosida joylashgan. Manzil: 200114, Buxoro viloyati, Buxoro shahri, Zulfiya koʻchasi, 20-uy. Ochilish marosimida davlat tashkilotlari vakillari, investorlar, biznes hamjamiyatining yetakchi vakillari hamda startap sohasi mutaxassislari ishtirok etishdi. Tadbir davomida Startup Garage’ning asosiy maqsadlari, taqdim etilayotgan xizmatlar hamda yosh startapchilarni qo‘llab-quvvatlash dasturlari haqida batafsil ma’lumot berildi. Startup Garage Buxoro filiali qanday imkoniyatlarni taqdim etadi? - Startaplarni rivojlantirish dasturlari – innovatsion g‘oyalarni biznesga aylantirish uchun maxsus treninglar va akseleratsiya dasturlari; - Mentorlik va tajriba almashish – tajribali tadbirkorlar va ekspertlar bilan uchrashuvlar, maslahatlar; - Investitsion imkoniyatlar – mahalliy va xalqaro investorlar bilan hamkorlik qilish imkoniyati; - Texnologik inkubatsiya – IT, fintech, elektron tijorat va sun’iy intellekt sohalarida faoliyat yuritayotgan startaplar uchun maxsus dasturlar.